ANDOHAN'I MANDROSEZA

Olona miisa 5 tratra nanapaka taribin'ny JIRAMA

Actualités
Alatsinainy 27 Jolay 2026

Mitohy hatrany ny halatra taribin'ny

orinasa JIRAMA hataon'ny sasany. Ny alin'ny 24 Jolay teo nandritra ny fisafoan'ny Polisy tao Andohan'i Mandroseza, dia olona dimy (05) no tratra teo am-panapahana taribin'ny JIRAMA. Izy ireo, izay voakarama hiambina ireo tariby, no voalaza fa nikasa hangalatra sy hivarotra izany indray. Nosamborin'ny Polisy avy hatrany izy dimy lahy raha nogiazana ihany koa ny tariby sy ny fitaovana nampiasaina. Mitohy ny fanadihadiana hatao amin'izy ireo mialohan' ny hiakarany eny anivon'ny Fampanoavana anio Alatsinainy 27 Jolay. Manentana ny rehetra mba hampandre avy hatrany azy ireo ny Polisim-pirenena raha mahita tranga mampiahiahy sy hafahafa tahaka izao eny anivon'ny fiaraha-monina.
Nangonin'i Pati
Légende : Izy dimy lahy tsy maintsy hanohy ny fiainany any am-ponja !