Actualités

ANDAVAMAMBA Voaendaka sady voadaroka ilay ramatoa

Actualités
Alarobia 10 Septambra 2014

Jiolahy roa no nanendaka ramatoa iray avy niasa tratra hariva handeha hamonjy fodiana vao avy niala tamin�ny fiarakaretsaka nandehanany, afak�omaly alina, tokony ho tamin�ny valo ora latsaka, tetsy Andavamamba Anjezika, tsy lavitra ny biraon�ny Jirama

Tsy nanaiky lembenana ilay ramatoa fa nanohitra tamin’ny fakana an-keriny ny poketrany, kanefa vono sy daroka niampy ompa variraraka no setriny. Niezaka niantso vonjy teo amin’ny manodidina ny niharam-boina nefa tsy nisy nanohina, na dia nisy olona aza tsy lavitra teo. Rehefa azon’ireo jiolahy mbola tanora ireto kosa ny rembiny dia nitsoaka niditra elakela-trano izy ireo ka nadio ny rano nitany. Lelavola enina alina ariary sy finday avo lenta roa no lasan’ireo jiolahy, hoy ny nambaran’ilay ramatoa niharam-boina. Noho ny ratra sy dona mafy nihatra taminy teo amin’ny lohany (handrina sy hatoka) dia tsy mbola afa-mihetsika sy miondrika ny tenany hatramin’izao ora anoratanay izao ary mbola manaraka fitsaboana.