Actualités

Analamahitsy Tranom-bazaha nisy nandoro.

Actualités
Alatsinainy 04 Aogositra 2014

Araka ny filazan�ny olona manodidina teny an-toerana dia nisy nanipy afo avy any ivelan�ny tamboho misy ilay teratany vahiny monina eny Analamahitsy. Ny sabotsy teo no nisehoan�ny loza.

Vokany, may kila forehitra ny trano iray feno entam-barotra tao amin’ny tanànany. Tsy tao an-toerana ny tompon-trano tamin’ny nitrangan’ny loza, fa ny olona manodidina no nifarimbona namono ny afo mandrapahatongan’ny mpamonjy voina. Marihana fa mpivarotra irony entana tranainy irony ity teratany vahiny ity. Avotra soa aman-tsara ny entana rehetra fa simba tanteraka kosa ny trano. Midadasika ny tanànany ka sarotra ny nifehy ny afo. Raha ny nambaran’ny nanatri-maso dia saika mbola zava-doza no niseho raha tsy tonga haingana ny mpamonjy voina satria dia efa niitatra tamin’ny toerana hafa ny afo, noho ity trano ity feno hazo sapin izay mora mirehitra. Nahiana ihany koa ny mety nahamay ny tranon’ny minisiteran’ny serasera teny an-toerana raha tsy tonga haingana ny mpamonjy voina. Torana nifamonjena moa ilay teratany vahiny raha vao nahita ny zava-niseho.