Anadahin-dreny tsivalahara

Naolany ny zanak’anabaviny vao 13 taona

Actualités
Zoma 09 Aogositra 2024

Lehilahy iray 54 taona no voapanga ho nanolana zazavavy vao 13 taona monja tao Ambohitrandriana Kaominina

Ambanivohitr’i Vinany Distrikan’i Mandoto. Araka ny tatitra ofisialin’ny Fari-piadidian’ny zandarimaria CIRGN Antananarivo, ny alin'ny 31 jolay hifoha 01 Aogositra, nandritry ny lanonana famadihan-drazana no nisy nanolana ity tovovavy ary natao fizahana teny amin'ny dokotera. Ny anadahin-dreniny ihany no voalazany ho nanolana azy. Vokany, nosamborin'ny Chef de poste Avancé Fidirana avy hatrany ity namoa-doza taorian'ny fitorian'ny ray aman-drenin-drazazavavikely. Taorian'ny famotorana azy dia natolotra ny fitsarana ingahirainy ka notanana am-ponja miandry fitsarana, hoy ny fampitam-baovao. Tsara ny mampahatsiahy, fa mbola tsy nisy aloha hatreto mpanolana namoahana didim-pitsarana sy nampiharana an’ilay famosirana na dia nihazakazahana aza ny nampandany ilay lalàna.
Toky R