Actualités

AMPASINIMALO Raim-pianakaviana maty nanaton-tena tao an-tranony

Actualités
Alarobia 02 Aogositra 2023

Raim-pianakaviana iray vao 23 taona omaly no hita faty tao an-tokantranony tao Ampasanimalo, Boriborintany faharoa rehefa nanaton-tena.

Tady nilon, nafatony tamin'ny hazo mitazona ny tafon-tranony no namonoany tena nandritra izany, izay namela diany goavana teo amin’ny tendany mihitsy hoy ireo nanatri-maso. Ny vady andefimandrin’ity lehilahy ity no nahita azy voalohany efa tsy misy fofon’aina intsony ka nanidy ny trano avy any ivelany noho ny fibosesiky ny olona handeha hijery ny zava-misy. Nihazakazaka nampandre ny tompon’andraikitra isan-tsokajiny izy nandritra izany. Raha araka ny loharanom-baovao azo moa dia tsy nisy olana teo amin’izy mivady no sady karazan’ireny tsy nanana olana ireny ihany koa Ratompokolahy tao an-tokantranony talohan’izao namonoany tena izao saingy tsy fantatra izay tany ambadika. Ny fanadihadiana hataon’ny mpitandro ny filaminana ihany moa no hanamarina izany.
Nangonin’i Pati