AMBODIZOZORO AMPITATAFIKA

Ho tongan’ny mazava ihany

Actualités
Alatsinainy 19 Febroary 2024

Ela ny ela fa ho afa-pahasahiranana ireo mponina ao

amin’ny Fokontany Ambodizozoro, kaominina Ampitatafika, distrikan’Atsimondrano. Raha araka ny vaovao azo mantsy dia hiditra tsy ho ela ao amin’ity Fokontany iray ity ny hazavana amin’ny alalan’ny herinaratra vatsian’ny orinasa JIRAMA. Raha tsiahivina kely dia ity Fokontany iray ity no Fokontany mbola tsy nanana herinaratra mihitsy tao anatin’ny kaominina Ampitatafika. Saika miaina ao anatin’ny fividianana labozia sy ny fampiasana ny jiro solitany isan’andro hatrany ny isan-tokantrano vokatr’izany, antony nitadiavan’ny Ben’ny tanana Rado Ramparaoelina sy ny ekipany hevitra. Notsindrian’ireo mponina noho izany fa zavatra mbola tsy niainan’izy ireo tao anatin’ny 60 taona lasa izao fahazoana herinaratra izao noho izany hiezaka handoa hetra izy ireo, ho tamberin'andraikitra.
Pati
Legende : Ho afaka amin’ny tsy fandriampahalemana amin’izay ny tananan’Ambodizozoro !