Ambodivoina Ambohimanarina

Tsy maintsy tafita ireo kamboty mianadahy, hoy i depiote Todisoa

Actualités
Zoma 30 Aogositra 2024

Sady maty efa Ray no maty Reny i Tendry 11 taona sy Mialy 7 taona. Ao Ambodivona Ambohimanarina izy

mianadahy kely ireo no mipetraka. Tohana mafy ny depiote Todisoa Andriamampandry manoloana ny toerana misy azy ireo ka noraisiny ny andraikiny. Niantohana ny saran’ny fisoratana anarana eny anivon’ny sekoly sy ny fitaovam-pianaran’izy ireo rehetra mandava-taona. Ho atao izay ahatafita azy ireo hatramin'ny farany raha araka ny andraikitra noraisin’ity depiote ity hatrany. Mangataka vavaka avy amintsika mpiara-belona ho fanohanana ireo kamboty tsy misy mpiahy rehetra araka izany ny Depiote Todisoa Andriamampandry, araka ilay tenin’Andriamanitra manao hoe : « Araka izay efa nataonareo tamin'ny anankiray amin'ireo rahalahiko kely indrindra ireto no nataonareo tamiko » ( Matio 25: 40).
Pati
Legende :
Ireo kamboty kely hotronin’ny depiote Todisoa !