Actualités

Ambodisatrana Sambava Zazavavy 12 taona naolan’ny dadafarany

Actualités
Alatsinainy 23 Novambra 2020

Zazavavy kely vao 12 indray indray no naolan’ny dadafarany, ny marainan'ny 19

novambra lasa teo tao Andranokolasy fokontany Ambodisatrana voalohany, kaominina sy distrikan’i Sambava. Nandeha tany amin’ny dokotera ny nenitoan'ity zazavavy no nanararaotra nanolana azy ilay dadafarany antsoina hoe : Hery. Mipetraka amin’ny nenitoany mantsy ity zaza ity ary mbola vao kilasy fahaefatra. Efa ela no nanao fihetsika hafahafa tamin'io zazavavikely io i Hery dadafarany ka tsy namelan'ity farany raha tsy simbany tanteraka, raha ny vaovao azo. Vao naheno ny vaovao mahakasika izany ny zandary avy ao amin'ny tobim-paritr’i Sambava dia nandray ny andraikiny avy hatrany, ka nisambotra an'ilay dadafara nahavanon-doza sy nitondra ilay zazavavikely tany amin'ny dokotera izay mbola hita fa torovana tanteraka.

Pati