Actualités

Ambilobe Nanokafana toeram-pamakiam-boky ho an�ny ankizy

Actualités
Talata 17 Jona 2014

Notokanana tao Ambilobe omaly ny toeram-pamakiam-boky voalohany eny amin’ny EPP amin’ireo dimy haorina manerana ny Nosy ka iray isam-paritany, tafiditra tamin’ny tetikasa fandrisihana ny ray aman-dreny handefa ny zanany hianatra. Ahitana efitra fianarana sy famakiam-boky ho an’ny mpianatra eny amin’ny ambaratonga fototra ny toeram-pamakiam-boky. Tonga nitokana izany tany an-toerana Rtoa Voahangy Rajaonarimampianina, vadin’ny filoham-pirenena. Hanana toeram-pamakiam-boky toy ity notokanana ity koa ny mpianatra any Ampefy ho an’ny Faritanin’Antananarivo, Mahabo (Morondava) ho an’ny Faritanin’i Toliara, Sahamadio (Fandriana) ho an’ny Faritanin’i Fianarantsoa ary ao Taratasy (Foulpointe) ho an'i Toamasina.