Actualités

Ambatondrazaka Raim-pianakaviana namono tena noho ny fahadisoam-panantenana

Actualités
Sabotsy 19 Jolay 2014

Mafonja tamin�ity raim-pianakaviana iray any Ambatondrazaka ny namoizany ny vadiny izay mitondra vohoka.

Tsy tantiny ny nahita ity andefimandriny nivalapatra tsy nisy aina intsony tao an-trano. Hany hevitra hitany ny hamono tena ka nahatonga azy nitelina poizim-boalavo. Tsy nisy nanam-po io fihetsika io ny rehetra raha tsy izy efa nalemy ohatry ny taratasy. Tsy nahatsiaro tena izy ary nifamonjena nentina tany amin’ny hopitaly Ambatondrazaka. Soa ihany fa tonga ara-potoana teny amin’ny tobim-pahasalamana ka vetivety dia voadio ny tao anatiny. Efa mahatsiaro tena ny lehilahy saingy tsy mba afaka nandevina am-badiny akory noho ny toe-pahasalamany mbola mila fanaraha-maso. Izany tokoa ve ny atao hoe tia sa fihetseham-po tsy voafehy ny an’ity lehilahy ity. Raha ny nambarany mantsy dia ny ho faty miaraka amin’ny vadiny kinanjo tsy izay ny fandaharana nataon’Andriamanitra.