Actualités

Ambato Mahatalaky � Tolagnaro Toaka gasy10 000 litatra no miakatra ao an-tsena isan-kerinandro

Actualités
Talata 26 Aogositra 2014

Tao anatin'ny volana maromaro, nitobaka ao an-tampon-tan�nan'i Taolagnaro ny zava-pisotro mahamamo vita gasy dia ny "toaka Gasy".

Amin'izao fotoana dia ahitana toeram-pamarotana maro amin'ireo elakela-trano sy amin'ireo toeram-pisotroana kafe. Saika avy ao Evorona-Ifaratsa sy any Ambato Mahatalaky no fiavian’ny toaka gasy. Tamin'ny fanadihadiana natao no nahafantarana fa mahatratra 500 bidao amina 20 litatra sy barika am-polony ho tonga ao amin'ny tsenan'ny Mahatalaky Ambato. Tena mitobaka ireo toaka gasy mamatsy ny renivohitra Anosy sy ireo kaomina hafa ary mipaka hatrany Androy izany. Fiarabe no mitatitra izany hatrany Mahatalaky, mipaka hatrany Tolagnaro renivohitra. Amin'ny ankapobeny dia malalaka ny fivezivezen'ny toaka gasy any an-toerana, malalaka toy izany koa ny famarotana sy ny fisotroana azy. Tsy anavahana fa na ankizy hatramin'ny vaviantitra sy tanora miala sakana dia migoka avokoa. Raha ny tokony ho izy dia hentitra amin’ny fanaraha-maso ny famarotana toaka tahaka izao ny manampahefana sy ny mpitandro filaminana, saingy toa mitazam-potsiny izany izy ireo ao Tolagnaro ao ary dia manaram-po, misotro isan’andro tsy mahalala izay hahafaty azy mihitsy ny mponina.