Ambalahasina Brickaville

Niravona tanteraka ny disadisa

Actualités
Alatsinainy 23 Febroary 2026

Niezaka nandamina ireo olona toteny

toy ny Tangalamena sy ny Vavanjaka any amin’ny Betsimisaraka. Vokany : niravona tanteraka tsy nilàna fiakarana birao hatrany amin’ny Fitsarana ny raharaha. Tany manan-tompo ara-panjakana any Ambalahasina no nataon’olona an-keriny. Notrandrahana amboletra sady tsy nisy fahazoan-dalana ny ala acacia naniry teo amin’ny tany manana titra ara-dalàna. Mazàna no miafara amin’ny rà mandriaka sy ny doro trano ny tranga toy izany any amin’ny toeran-kafa. Niravona tanteraka anefa ny raharaha noho ny faneken’ny tompon-tany, Rasoa Victor, ny fifandaminana nataon’ireo olo-maventy tao an-tanàna. Ny faha-8 febroary teo no nitrangan’izany tany Ambalahasina, Fokontany iray any Ambinaninony Brickaville, manamorona ny Lakandranon’i Pangalana. Mirongatra izaitsizy ny fitrandrahan’ala amin’ny endriny rehetra any an-toerana. Ahiana vao mainka hahazo vahana izany noho ny takaitra navelan’ny rivodoza Gezani tany Atsinanana teo iny.
Nangonin'i Jean D.
Hipetraka ho hitan'ny taranaka izao fifandaminana izao