Alaotra Mangoro

Misokatra ny taom-piotazana,

Actualités
Talata 05 Mey 2026

tsy misy famerana ny vidim-bary

Nanomboka omaly ny taom-piotazana sy fanangonam-bokatra vary any Alaotra Mangoro. Lanona teny an-tsaha no nanehoana fa efa ao anatin'ny fiakaran'ny vokatra tanteraka ny any Alaotra Mangoro amin'izao fotoana izao. Nitarika izany ny lehiben'ny Faritra Alaotra Mangoro Rabemananjara Élire Joseph. Efa vonona ihany koa ireo mpanangom-bokatra no nanamarihana ny fanokafana tamin'ity taona ity. "Sarotra ny hamerana ny vidim-bary" hoy ny lehiben'ny Faritra satria "raha atao ambany maty antoka ireo tantsaha manana masonkarena ambony, raha atao ambony loatra indray sao tsy hifanaraka amin'ny vidim-bary eny an-tsena ka tsy hisy hividy toa ny tamin'ny farany teo indray ny vokatra". 30 Ar isaky ny kilao kosa ny tamberimbidy amin'ny vary akotry alain'ny Faritra raha 20 Ar ny an'ny Kaominina, 15 Ar avy kosa ny anjaran'ny Kaominina sy ny Faritra amin'ny fotsimbary sy ampombo.
Jean D.
Fisantarana ny taom-piotazana vary tany Alaotrao omaly