ALAOTRA MANGORO IRAY FEO

Mangataka ny hamahan'ny

Actualités
Alarobia 18 Martsa 2026

Filohan'ny fanavaozana ny olan'izy ireo

Niakatra teto an-drenivohitra nihaona tamin'ny mpanao gazety omaly Talata 17 Martsa ireo fikambanana maro samihafa avy any amin'ny Faritra Alaotra Mangoro nahitana ny FIAMIS, KMT, GEN Z Tantsaha, ny sendikan'ny mpampianatra ...izay mivondrona ao anatin'ny fikambanana Alaotra Mangoro iray feo. Diso latsaka an-katerena loatra mantsy ity Faritra iray ity raha araka ny fanazavan'izy ireo omaly. Raha mitohy izao fitontongan'ny vidim-bary izao hoy izy dia mety tsy ho afaka hamboly intsony ireo tantsaha mpamokatra amin'ny taona ho avy. Tafiditra ao anatin'izany ny tsy fahafahana mivarotra Ilay vary 40.000 taonina eny an-tsena raha mbola mitontongana hatrany ny vidiny. Ankoatra ity olana ara-bary ity dia mangataka ny Fitondram-panjakana mba hijery ireo karazana olana ara-pifidianana tany amin'ity Faritra iray ity ihany koa izy ireo na tamin'ny Ben'ny tanana izany na tamin'ny solombavambahoaka. Tafiditra ao anatin'izany ny tany amin'ny distrikan'i Moramanga sy Amparafaravola. Farany izay tsy kely akory dia tsy nanadino ny niarahaba ny Praiministra vaovao Rajaonarison Mamitiana izy ireo ary mampanantena ny fahavononany hiara-kiasa. Pati
Légende : Ireo tompon'andraikitra eo anivon'ny fikambanana nampaneno lakolosy omaly !