Actualités

Akanin-jaza Arema Haverina indray ny �cantine�

Actualités
Talata 10 Jona 2014

Ambohipihaonan�ny fianakaviamben�ny Akanin-jaza Arema tetsy Analakely ny sabotsy 7 jona teo.

Nisy ny diabe nandraisan’ireo solontenan’ny Akanin-jaza avy amin’ny faritany enina, niaraka tamin’ny mpitantana niainga teo amin’ny Esplanade, nandalo ny araben’ny fahaleovantena nihodina ny Lapan’ny tanàna ary nifarana tao amin’ny Tahala Rarihasina namaranana ny karnavaly tafiditra amin’ny fankalazana ny faha-25 taona niorenan’ny Akanin-jaza. Nisy ny fampirantiana sary mirakitra ireo hetsi-pankalazana tontosa nandritra ny volana mey 2014 nitetezana Akanin-jaza teto Analamanga, narahina fanapahana mofomamy mariky ny tsingerintaona nahaterahan’i Annick Ratsiraka. Ity farany izay nampanantena fa dia haverina ny “cantine” eny amin’ny Akanin-jaza Arema manomboka amin’ny fidiran’ny taom-pianarana ho avy, hanohanana ara-tsakafo ny mpianatra hampatsilo saina azy. Efa misy dokotera ny mpianatra novolavolain’ny Akanin-jaza tany Mahanoro, mianatra any Belzika ny novolavolaina tao Ambositra… Hitohy eny amin’ny Akanin-jaza Lovasoa 67ha ny fankalazana amin’ny 14 jona izao.