Actualités

Akama 67 Ha Manana kandida 15 hiatrika ny CEPE

Actualités
Talata 15 Jolay 2014

Niverina tany an-tsekoly nanao famerenan-desona farany mialoha hiatrehana ny fanadinana CEPE anio izy 15 mianadahy mpianatra kilasy faha-7 ao amin�ny Akanin�ny Marenina 67 Ha iandraiketan-dramose Lucien.

Vita ara-dalàna ny fandaharam-potoana ary efa vonona tanteraka ireo ankizy, hoy ny fanazavan’ny mpampianatra. Nahavita fitsapana fanadinana andrana maromaro nandritra ny taom-pianarana izahay, hoy ramose mpampianatra. Mampiavaka ny fampianarana ireo ankizy manana fahasembanana ara-tsofina ny fanaraha-maso azy ireo isam-batan’olona izay antony iray hamerana ny isan’izy ireo ho 10 na mihoatra kely isan-taona. Maro an’isa ny ankizivavy mihoatra amin’ny ankizilahy manana olana ara-pihainoana, araka ny resaka nifanaovana tamin’ny tompon’andraikitra. Mailaka kokoa ihany koa anefa ny zazavavy manoloana ny zazalahy. Momba ny sedra indray dia miatrika ireo taranja miisa 7 tahaka ireo kandida tsy manana olana ireo mpiadina avy ao amin’ny Akama saingy fanampim-potoana ho azy ireo ny fanazavana ny laza adina amin’ny dika tanana. Manana safidy hanohy ny fampianarana ankapobeny na teknika ireo mpianatra manomboka ao amin’ny kilasy faha-6. Anisan’ireo kandida hiatrika ny CEPE 2014 i Nancy sy Avotra. Taranja manahirana kely azy mianadahy ireto, araka ny resaka nifanaovana tamin’izy ireo ny kajy sy frantsay.