AIRTEL ALERTE SPAM

Partagé sur :
• facebook

Namoaka vokatra vaovao ny orinasam-pifandraisana Airtel hiarovana ny mpanjifa amin'ireo

mpisoloky mandefa hafatra na sms. Airtel alerte spam no anaran'izy io. Taorian'ny nampahafantarana azy tamin'ireo tsena lehibe miisa 14 an' ny Airtel Afrika dia tonga eto Madagasikara izy raha tao Nigeria no nisantarana izany. Maimaim-poana ny fampiasana ity vokatra vaovao ity ho an'ireo mpanjifan' ny Airtel rehetra. Amin'ny alalan'ny fampiasa na Application no hahafahana manatanteraka izany. Raha araka ny fanadihadiana nataon'ny Quartz datant tamin'ny taona 2019 dia Firenena 9 amin'ny 20 lasibatr'io fisolokiana amin'ny alalan'ny finday io ka aty Afrika avokoa no misy azy. Ohatra amin'izany ny hoe : « ARAHABAINA! lanao Dia Voasarika Tamin'ilay Lalao QUIZZ Mlay ka Nahazo Vola 29000000Ar Avy @ AirtelMoney. Antsoy ity Laharana ity Ahafahanao Mandray ny Lokanao »...Fantatra moa fa sms miisa 1,5 miliara no vitan'io vokatra vaovao jerena sy hatao sivana ao anatin'ny 2.000 segaondra ho an'ireo mpanjifan' ny Airtel manerana ny faritra misy azy. Tsy voavaky avy hatrany io sms io amin'ny alalan'ny fampiasana ilay spam potentiel ka afaka miaro ny tenany ilay mpanjifa fa tsy mamaly izany. Avy amin'ny alalan'ny fanokafana ilay sms na famaliana izany mantsy no mety hahazoan'ireo mpanao ratsy ny mombamomba ilay mpanjifa izay mety hohampiasainy amin'ny asa fisolokiana hafa ihany koa. Izany no hatao hoy Rtoa Anne Cathérine Tchokonte, tale jeneralin'ny orinasam-pifandraisana Airtel dia ho fiarovana ireo mpanjifany eto Madagasikara, indrindra ny mba ha nanan'izy ireny fahatokiana sy fitoniana eo am-piatrehana ny fiainana andavanandro.
Pati
Légende : Atoa Harifidy Ratokobe, tompon'andraikitry ny vokatra eo anivon'ny orinasam-pifandraisana Airtel !
 

Tia Tanindrazana

Samia mijoro ho an'i Gasikara.