Afo nandrahoan-tsakafo

tsy voafehy

Actualités
Talata 04 Aogositra 2026

May ny tanàna sy biby fiompy tao Ranomafana-Est

Nitrangana haintrano tao Ranomafana-Est Brickaville omaly Alatsinainy 3 Aogositra tokony ho amin'ny ny 1ora atoandro. Ankizy nahandro sakafo tamin'ny afo kitay tao amin'ny takantrano iray, tsy nisy olon-dehibe, no niandohan'ny afo ary niitatra vetivety kely ka indray natelin'ny lelafo avokoa ny trano maro. Trano folo tafo lahery no rava tanteraka levon'ny afo, ka namela fianakaviana maro tsy misy fialofana. Akoho amam-borona zato mahery sy Kisoa vitsivitsy ihany koa no kilan'ny afo. Na dia teo aza izany zava-doza izany, sy ny fatiantoka ara-pitaovana sy ara-pivelomana lehibe, dia tsy nisy ny famoizana aina. Miantso ny zanaka ampielezana sy ny malala-tanana ny mpiray tànana hifanampy amin'ireo niharam-boina amin'izao fotoana sarotra izao.
Jean D.
Zava-doza nateraky ny haintrano tao Ranomafana-Est Brickaville omaly