ADY TENY AM-PANDEVENANA

Olona roa no namoy ny ainy

Actualités
Alatsinainy 15 Septambra 2025

Nitrangana toe-javatra mampalahelo tany amin'ny distrikan'Ambilobe

ny Alatsinainy 08 Septambra lasa teo. Fandevenana olona maty iray no nivadika ho gidragidra nahatsiravina ka namoizana ain'olona miisa 2 raha iray naratra mafy.Raha araka ny loharanom-baovao azo dia nisy nitsipaka ny fandevenana io razana io tao amin'ilay fasana. Vokatry ny lonilony noho ny ady tsy voavaha efa ho 20 taona no voalaza fa anton'izany ka tonga hatramin'ny fanilihana ny razana. Tsy nanaiky izany ny andaniny ka raikitra ny fifamaliana izay nihafara tamin'ny fifandonana. Tsy nalevina tao amin'ilay fasana moa ny maty nony farany fa tsy maintsy nalevina tany amin'ny fasana hafa. Maherin'ny 10 no voasambotra hatreto hoy ny vaovao ary mitohy ny fanadihadiana. Tena efa mivadika tanteraka ny fiainan'ny zanak'olombelona ankehitriny. Tafiditra ao anatin'izany isika Malagasy izay tsy manome lanja ny fihavanana intsony fa mahavita manilika sy manary ny havana na dia ao anaty fahoriana lalina aza. Nangonin'i Pati
Légende : Lasa miady amam-paty koa ny Malagasy ankehitriny !