Actualités

Ady amin` ny kolikoly Hokitihana ny lalàna mifehy ny PAC?

Actualités
Zoma 03 Jolay 2020

Araka ny loharanom-baovao eo anivon` ireo fiarahamonim-pirenena sasantsany misahana ny ady amin` ny kolikoly sy mikatsaka ny mangarahara, ny tamberin’andraikitra ary ny fahitsiana, dia mikasa hikitika ny lalàna mifehy ny PAC (Poles Anti-Corruption) ny governemanta kanefa dia tsy misy akory fampilazana sy fakan-kevitra ataony.

Mitaky fanazavana avy amin` ny Filohan` ny Repoblika, ny praiminisitra ary ireo tompon’andraikitra isan-tsokajiny ny fiarahamonim-pirenena ary manao antso avo amin` ny depiote sy ny loholona mba tsy hifidy izany fanitsiana izay vaomabara fa “fambara loza”. Raha ny fantatra hatrany dia mbola an-dalam-pandinihina tamin’ny ora nanoratana ny lalàna mikasika ny « pole anti-corruption » eo anivon` ny Antenimieram-pirenena.

Marigny A.