Actualités

Ady amin�ny asan-jiolahy Manakarama olon-tsotra mpanome vaovao ny Polisy

Actualités
Sabotsy 09 Aogositra 2014

Ho fisorohana ireo ny vaky trano, vono olona sy halatra isan-karazany izay nahazo vahana tao Ambositra tato ho ato dia nahita fika hanatratrarana ireo mpanao ratsy ny p�lisy ao an-toerana. Manomboka izao dia omen�ny p�lisy karama arakaraka izay loharanom-baovao omena izay olona mahalala ireo mpanao ratsy.

Io ilay antsoin’ny pôlisy hoe “recrutement des informateurs”. Efa misy olon-tsotra telo manao ity asa ity ao Ambositra ao, tsy misy mahafantatra ireo olona ireo afa-tsy ny pôlisy ihany. Mbola hisy koa ny famoronana adiresy mailaka haparitaka amin’ny olona hahafahana mahazo ireo loharanom-baovao sy ny anaran’ireo olona ahiana ho mpanao ratsy. Mbola manentana ny tokony hisian’ny fiaraha-miasa hatrany ny mpitandro ny filaminana ao Ambositra hiadiana amin’ireo asan-jiolahy mitranga.