Lehilahy iray 36 taona mpivarotra "cocaïne" eny amin'ny faritra 67 ha sy ny manodidina iny no tra-tehaky ny polisy
nanao fanamiana sivily avy ao amin'ny sampan-draharaha miady amin'ny zava-mahadomelina Anosy ny Alakamisy 20 aprily teo . Tao amin’ny toeram-ponenany no tratra ity lehilahy ity tokony ho tamin'ny 02 ora folakandro. Hivoaka hivarotra zava-mahadomelina ity farany no nifanehitra tamin'ny polisy ka dia noraisim-potsiny avy hatrany. Rehefa natao ny fisavana azy dia nahitana rongony mahery vaika : "COCAÏNE" milanja 0.23 grama ary mizana fanandajana izany teny aminy . Nosamborina avy hatrany ity lehilahy ity ary noentina teny amin'ny birao ny Polisim-pirenena misahana izany atao fanadihadiana. Teo no nahafantarana fa ireo olona eo amin'ny manodidina ihany no mpanjifa sy mpividy ao aminy araka ny voalazany . Natolotra ny fampanoavana omaly ny anaolahy ary naiditra am-ponja vonjimaika.
Pati
Tia Tanindrazana
Samia mijoro ho an'i Gasikara.