3 taona nisesy

Nitrangàna fahamaizana indray i Mananjary

Actualités
Talata 16 Septambra 2025

Mampametra-panontaniana ny mpanara-baovao maro ity afo be ao

Mananjary, 3 taona nisesy ity izao. Nitrangàna fahamaizana indray ny tanànan’i Mananjary omaly, raha ny angom-baovao voaray. Renivohi-paritra na «chef lieu de région» eto no resaka. Manana sampana mpamonjy voina na «pompier» ve sa tsia ao, hoy ny fanontaniana napetraky ny mpisehatra politika, Patrick Raharimanana? Mbola any ve ireny siterin’ny BNGRC ireny, hoy izy? Misy «pompier» miisa 2 ao fa ny hoe miasa sy ny tsy miasa no mampametra-panontaniana, hoy ny fanehoan-kevitra. Misy mpaka rano an'ny Tozzigreen koa ao. Mbola misy an'ny minisiteran’ny asa vaventy ihany koa ary mbola azo atao ny mampiasa «môtô pompe» na fitrohan-drano ka ny ranomasina no trohina raha ohatra ka tena tsy ampy ny rano. 3 taona nifanesy izay, misy firehetana fona ao Mananjary. Manginy fotsiny ny rivodoza sy ny tariny fa dia naninona an-janahary loatra ary ilay Vatovavy sy Fitovinany, hoy hatrany ireo fanehoan-kevitra voahangona?
Nangonin’i J. Mirija