Actualités

14 oktobra Tsy mahazo mifety indray

Actualités
Alatsinainy 05 Oktobra 2020

Tsy hisy ny fety aman-danonana Tsy misy ny fety aman-danonana amin’ny 14 oktobra saika hanonerana ny 26 jona tsy nahafahana nankalaza ny faha-60 taona nahazoana ny fahaleovantena, satria mbola miatrika ady isika hoy ny filoham-pirenena Rajoelina, dia ny Coronavirus sy ny Kere izany.

Ny 14 oktobra izao moa no ho feno 62 taona katroka ny nanambarana ny Repoblikan’i Madagasikara. Ny faniriantsika dia nankalazaina tao anatin’ny fomba manetriketrika ny faha 60 taona niverenan’ny fahaleovantena, kanefa tsy afaka nanao izany isika tamin’ny 26 jona, hoy ny Filoha. Nieritreritra isika fa hoe amin’ny 14 oktobra no hanatanterahana ny fankalazana, saingy mbola ao anatin’ny fahamehana ara-pahasalamana isika, mbola miady amin’ny hanohanana sy ny kere ka fahendrena, hoy i Andry Rajoelina ny tsy hanaovana fety manetriketrika amin’io datin’ny 14 oktobra io, ka tsy hankalaza amin’ny fomba manetriketrika isika, fa toy ny andavanandro ihany, hoy izy. Ho any amin’ny toerana nahaterahan’ny Filoha Tsiranana Filohan’ny Repoblika voalohany kosa ny tenany.

Toky R