Politique

Kardinaly Pietro Parolin teto Madagasikara Misy ambadika politika ?

Politique
Talata 31 Janoary 2017

Naneho ny heviny mikasika ny fahatongavan�ny kardinaly Pietro Parolin, sekreteram-panjakanan�i Vatican teto amintsika Ranaivo Sata, filoha lefitry ny fikambanana Asandratro ny fireneko omaly.

Nambarany fa ny hampivondrona ny olony no antony nahatongavan’ity kardinaly ity teto amintsika mba hanehoany fa mbola izy no mitantana ary mbola azy ny fahefana. Tena nahay nivondrona tokoa ny olony, hoy hatrany Ranaivo Sata satria na dia ny mpanohitra aza mba tonga teny Mahamasina ihany koa. Mody fampihavanana no resahina nefa politika avo lenta no ao ambadik’ireny dia ny handrokidrokiana ny vahoaka Malagasy efa sahirana hiditra amin’ ny fifidianana mialoha ny fotoana hahafahany mametraka ny olony hitantana ny firenena. Midika izany fa tsy hisy fifidianana marina sy mangarahara eto amin’ny firenena fa resabe fotsiny no betsaka. Tsy maintsy ny saribakoliny ihany mantsy no hapetrak’ireo bolokim-bazaha sy ny forongony eto amintsika ka tokony samy ho mailo isika Malagasy. Nomarihiny manokana fa ny 80 %-n’ny ady eto Madagasikara dia adim-panahy avokoa ary tsy maintsy ny fanjakana tsy hita maso no mitantana ny fanjakana hita maso amin’ny alalan’ireo fikambanana maro samihafa manao fanompoan-dratsy miara-dalana amin’ny mpitondra ankehitriny.

Pati