Fandriampahalemana

Zandarimariam-pirenena Raikitra ny fiadiana ny amboaran’ny SEG

Fandriampahalemana
Alarobia 19 Jona 2019

Nosokafana omaly 18 jona 2019 tao amin’ny Toby Ratsimandrava ny lalao ara-panatanjahatena iadiana ny amboaran’ny Sekreteram-panajakana miadidy ny zandarimaria sy ny komandin’ny zandarimariam-pirenena.

Hifaninana ny “Basketball, Volley ball” ary hazakazaka 5 km, izay efa fanao isan-taona, ka hikatroan’ireo zandary miasa eto Antananarivo sy ireo sekoly roa dia ny ESGN Moramanga ary ny EGN Ambositra. Filaharana namakivaky ny “Boulevard Ratsimandrava” no nanombohana ny lanonana, ka tonga nanotrona sy nanome voninahitra izany ny Jeneraly Richard Ravalomanana, sekreteram-panjakana miadidy ny Zandarimaria (SEG) sy ny Kaomandin’ny zandarimariam-pirenena ary ireo manamboninahitra sy manamboninahitra lefitra isan-tsokajiny miasa eto Antananarivo. Nanafatrafatra ireo manamboninahitra jeneraly roa ireo, fa lalao aram-piralahiana no atao fa tsy fifaninam-pirenena ka tsy tokony hampiseho endrika ratsy. Nampanaovana fianianana ireo solontenan’ny mpilalao sy ireo mpitsara. Tanjona ny ho fanamafisana ny fifankatiavana sy ny firahalahiana eo amin’ny samy zandary, hoy ny SEG. Nanolotra lelavola roa tapitrisa Ariary mba hatao ranom-boankazo ho an’ireo mpilalao izy.

Toky R