Fandriampahalemana

Vono olona feno habibiana Notapahana ny loha sy ny tanan’ilay rangahy

Fandriampahalemana
Zoma 09 Oktobra 2020

Efa mivadika biby ny olombelona. Raim-pianakaviana iray 52 taona no maty notapahin-doha sy tanana tao Anjombalava, Kaominina Ambanivohitr’i Anjagnoveratra, distrikan’i Sambava ny 07 oktobra lasa teo.

Nandefa nifoha maraina mba hamonjy ny tanimboliny any Beangivy Itompokolahy no nisy namono, teo amin’ny tanana antsoina hoe : Ampamitanana. Olona sendra taorinany no nahatsikaritra ra mandriaka teo amin'ny sisin-dalana , lalana nalefahan’Itompokolahy. Nampandre ny tao an-tanana ity farany vokatr’izany ka rehefa nanao ny fanarahan-dia izy ireo dia hita ny razana saingy efa tsy nisy lohany intsony. Ny anabaviny no nahalala an’Itompokolahy ka notohizana ihany ny fikarohana. 50 metatra taorian’izay dia hita indray ny lohany.Tao anatin'ny tsongo dia nataon'ny vahoaka no nisy nanome loharanom-baovao nilaza nisy tanora iray manodidina ny 25 taona nandalo ny faritra misy azy ireo ary toa mihazakazaka be. Avy any Mananjaran'Ifosa io tanora io. Tratra moa ity farany ka saika niharan’ny fitsaram-bahoaka. Voatery nalefa any Sambava ny tovolahy noho izany. Nilaza ny tsy hamaly faty moa ireo manana ny maty fa kosa mitaky ny fandraisan'ny fianakavian'olona namono ny havany tamin'ny fomba feno habibina mba handray an-tanana ny lany rehetra. Efa voalevina ny razana.

Pati