Fandriampahalemana

Varotra rongony mahery vaika Olona 6 indray no voasambotra teny Tanjombato

Fandriampahalemana
Alatsinainy 13 Jona 2022

Voasambotry ny Polisy miasa ao amin'ny kaomisaria foibe ao Tanjombato tao amin'ny fari-piadidiany ny olona enina mianadahy nahitana lehilahy telo sy vehivavy telo ny sabotsy 11 jona lasa teo tokony ho tamin'ny 6 ora maraina

rehefa nivarotra zava-mahadomelina mahery vaika. Fantatry ny mpitandro ny filaminana miandraikitra iny faritra iny ny fisian'olona mamatsy zava-mahadomelina mahery vaika eny an-toerana. Nanamarina izany izy ireo ary niditra an-tsehatra tamin'ny fijerena ilay tokantrano voalaza. Ny efatra mianadahy amin’izy ireo dia mpivarotra avokoa raha mpanjifa ny roa. Mbola nahatrarana fitaovana maromaro fampiasa amin'izany tao amin'ilay tokantrano toy ny seringue, briquet. Nahitana rongony ihany koa. 18 ka hatramin'ny 51 ny salantaonan'izy ireo. Araka ny fantatra dia isan’ny mamatsy iny faritra iny ireto olona voasambotra ireto.
Nangonin’i Pati
Legende : Ireto izy 6 mianadahy