Fandriampahalemana

Vaky trano teny Anosizato Noraisim-potsin’ny polisy ilay jiolahy mbola nisaro-tava

Fandriampahalemana
Alatsinainy 13 Febroary 2023

Noraisim-potsiny noho ny mbola fanaovany sarotava na “cagoule” sy fitondrana fitaovana fanapitsihina trano na "barre à pince"

ny mpamaky trano iray raha nifanena tamin'ny polisy tetsy Anosizato. Ny sabotsy teo, tokony ho tamin'ny 3 ora sy 30 minitra maraina no nitrangan’ity fikasana hamaky trano azo lazaina ho nahatsikaiky ity. Raha ny filazan'ny manodidina dia vaky trano teo akaiky teo ihany no nataon’ity jiolahy ity. Tsy nahazo na inona na inona anefa izy ary izao vaky nandositra izao kinanjo nifanehitra tamin'ny polisy indray ka dia noraofim-potsiny, hoy hatrany ny fampitam-baovao voaray. Ny tena nanapa-tsinay ireo nahita ny tranga dia ny lokon’ilay sarotava izay volomboasary be izay tena miavaka sy mora mampiahiahy tanteraka.
J. Mirija