Fandriampahalemana

Vaky ny fonja tao Ihosy Gadra 10 tafaporisaka, 2 voasambotra

Fandriampahalemana
Talata 05 Mey 2020

Vaky ny fonja ao Fanjakamandroso ao Ihosy tanàna, ny alahady 03 mey teo.

Tokony ho tamin` ny 06 ora sasany hariva, ora fidiran` ireo voafonja manao asa ivelan` ny fonja no niditra ao anaty fonja no nanaraotin` ireo gadra 12 nivoaka ny varavarana fidirana. Nanao tifi-danitra ireo mpiambina fonja saingy tsy voafehy ireo voafonja ary nandositra avy hatrany izy ireo. Roa kosa no tratra ny andron` io ihany saingy ny folo mbola karohina haramin` izao. Ao anaty fikarohana ireo mpitandro filaminana. Savaina avokoa ireo fiara mivezivezy ao an-toerana araka ny tatitra. Olana hitovizan` ireo fonja manerana ny nosy dia mihoatra ny zakan` ireo fotodrafitrasa ny isan` ny voafonja. Voafonja 120 no tokony ho zakan` ny fonja ao Ihosy saingy efa tafiakatra 546 izany ka tsy mahagaga raha tsy voafehy ny savorovoro isan-karazany.

Marigny A.