Fandriampahalemana

Tsiroanomandidy Naiditra am-ponja ireo 5 lahy tratra namaky trano

Fandriampahalemana
Talata 21 Aprily 2020

Mpamaky trano miisa 05 no voasambotry ny polisy miasa ao Tsiroanomandidy ny Alarobia 08 aprily teo.

Tokantranona fianakaviana iray tany an-toerana no lasibatra tamin’izany tamin’io andro io tokony ho tamin'ny 01 ora maraina. Lasan'ireo jiolahy tamin'izany ny lela-vola mitentina 300.000 Ar. Vokatry ny herisetra nataon'ireo jiolahy dia naratra ny lohan'ireo zanaky ny tompin-trano roa lahy. Tra-tehaky ny polisy ny andron'ny fanafihana ny roalahy tamin'ireo jiolahy ireo raha tafaporitsaka ny sasany. Nanohy ny fikarohana ny polisy ka voasambotra ny Alakamisy 09 aprily kosa ireo jiolahy miisa 3 hafa naman'ireo jiolahy nanao ny fanafihana ireo. Taorian'ny fanadihadiana nataon'ny Polisy dia natolotra ny fitsarana ny zoma 10 aprily ireo jiolahy ireo ary nahiditra an-tranomaizina avokoa.

Pati