Fandriampahalemana

Toliara Rongony 2 380 kilao indray no nodorana

Fandriampahalemana
Alatsinainy 16 Novambra 2020

Nodorana, ny sabotsy teo, tany Mahaboboka - Toliara ireo rongony milanja 2 380 kilao, tra-tehaky ny zandary tany an-toerana nandritra ny hetsika nataon`izy ireo. Raha tsiahivina, ny alin'ny 06 novambra lasa teo,

kamio iray no saron` ny mpitandro filaminana nitondra ireo zava-mahadomelina aman-taonina . Telo lahy no voasambotra amin`ity raharaha ity. Natolotra teo anatrehan'ny Fitsarana ny raharaha, ny zoma lasa teo, ka notanana am-ponja avokoa ireo olona telo ireo ary niroso amin'ny fandorana ireo zava-mahadomelina ny sabotsy teo anatrehan'ny manampahefana sy ny mponina tany an-toerana. Manantitra ny fampitandremana ireo izay mbola minia mamboly sy mivarotra na mitondra ary manjifa zava-mahadomelina toa itony, izay mampirongatra ny tsy fandriampahalemana ny zandariamariam-pirenena. Manamafy hatrany ny zandray fa ho mafy ny fampiharana ny sazy ho an’izay tratra.

Marigny A.