Fandriampahalemana

Taolagnaro, Ihosy ary Betroka Misy mampihorohoro ny mpiasam-panjakana ambony

Fandriampahalemana
Alatsinainy 04 Febroary 2019

Misy trangan-javatra mampalahelo miseho any Taolagnaro sy Ihosy ary any Betroka fa misy olona minia mampihorohoro an’ireo tompon’andraiki-panjankana ao aminy ka mahasahy mitaky lelavola

misimisy mba hahazoan’izy ireo mijanona eo amin’ny toerana misy azy avy fa ny tany Betroka no nanatona ny tompon’andraikitry ny OMc « Mpitandro ny filaminana mitambatra » ka nitaraina tamin’izy ireo mazava araka ny tati-baovao azo avy any amin’ity distrika ity. Tamin’izany ohatra no nahafantarana fa ny « Chef Zap » any amin’ity distrika ity dia takiana 1 tapitrisa ariary tsirairay avy raha te-hijanona eo amin’ny toerany. Maharatsy endrika ny filoha Andry Nirina Rajoelina ity trangan-javatra ity raha tena marina, hoy io tati-baovao io satria dia tompon’andraikitry ny Mapar fantatra anarana any amin’ity toerana ity no manao an’izao toetra tsy mendrika sy mamoafady izao.

Ntsoavina Evariste