Fandriampahalemana

Sinoa mpitrandraka volamena Maty voakapa famaky

Fandriampahalemana
Talata 29 Janoary 2019

Lehilahy teratany sinoa iray mpitrandraka volamena any amin’iny Malazamasina Mananjary iny no maty voakapa famaky ny lohany sy ny tanany ny alahady alina lasa teo.

Araka ny fantatra dia nisy nanafika ny tranon’ity sinoa lahy iray ity. Jiolahy miisa fito no indray nanafika azy tamin’izany nikasa haka ny volamena rehetra efa voaangon’ity sinoa ity tao an-tranony saingy tsy nisy ny entana azon’izy ireo. Niaraka tamina sinoa hafa sy Malagasy mpiara-miasa amin’ilay sinoa ireo jiolahy, raha ny vaovao azo. Nisy ny fifanjevoana. Jiolahy iray no voalaza fa naratra mafy saingy tafaporitsaka. Efa eo am-pelatanan’ny mpitandro ny filaminana any an-toerana ny raharaha ary efa nanomboka omaly ny fanadihadiana tao an-tanàna. Tsiahivina moa fa naratra be ihany koa ny lohan’ity sinoa ity. Teo ambony fandriana izy no nitsotra farany izay voalaza fa niezaka ny nanavo-tena ihany saingy tsy nahatohitra ireo nifanandrina taminy.

Nangonin’i Pati