Fandriampahalemana

Sarimihetsika malagasy Nisy nandroba ny Horizon Production

Fandriampahalemana
Alakamisy 28 Desambra 2017

Omaly alarobia tamin’ny 5 ora maraina no nitrangan’ny vaky trano tao Mahavoky Atsimo-Mahajanga.

Trano ivantanan'ny ekipan'ny tranom-pamokarana sarimihetsika Malagasy Horizon no lasibatry ny jioalahy. Very tamin’izany ny finday miisa fito miampy solosaina entin-tanana iray. Any Mahajanga efa andro vitsivitsy ny ekipan’ity trano mpamokatra sarimihetsika naorin-dRazafindrakoto Gérard izay fantatra tamin’ny solon’anarana Randrenja teo amin’ny tontolon’ny sarimihetsika ity, mandrakitra an-tsary sarimihetsika vaovao. Reraky ny “tournage” sa tratry ny fonoka tao fa dia renoky ny torimaso izy rehetra, ny trano nibanaka, ny entana lafo vidy lasan’ny jiolahy. Tsy nisy kosa aina nafoy na naratra.

Nangonin’i Jean D.