Fandriampahalemana

Ny tanora sy ny tsy fandriampahalemana Nafana ny adihevitra teny Antaninarenina

Fandriampahalemana
Sabotsy 19 Aogositra 2017

Tsy misy tanora afaka mandroso raha tsy misy fandriampahalemana. Io amin’ny ankapobeny no nambaran’ireo tanora tonga tetsy Antaninarenina nanaraka ilay adihevitra mikasika ny tanora sy ny tsy fandriampahalemana misy eto amintsika, nokarakarain’ny fikambanana Observatoire de la jeunesse omaly.

Nizarazara be ihany ny hevitra nivoaka. Tao ireo nilaza fa ny fandraisana sy ny fidorohana zava-mahadomelina eo amin’ny tanora no mampisy tsy fandriampahalemana eto amintsika. Misy ihany koa ireo nilaza fa noho ny tsy fananan’asa raha nisy koa ireo niteny fa vokatry ny fahantrana. Ny hahitana marina izay fototra miteraka ny tsy fandriampahalemana eto amintsika moa no anton’ny adihevitra izay ezahina hatolotra ireo tompon’andraikitra isan-tsokajiny rehefa misy fehin-kevitra tapaka. Ho an-dRazafitsiandraofa Jean Brunelle, solombavambahoaka voafidy tany Ikongo izay nandray anjara tamin’ity adihevitra ity dia anisan’ny fototra tsy hahafahan’ny tanora mivelatra ny tsy fisian’ny fandriampahalemana satria takona ny lalan-kizorany rahampitso.

Pati