Fandriampahalemana

Mponin’Andoharanofotsy Mangataka mpitandro ny filaminana isaky ny tobim-piantsonana

Fandriampahalemana
Zoma 15 Oktobra 2021

Mbola tsy tonga any amin’iny faritra Atsimondrano iny ireo mpitandro ny filaminana apetraka mba hiambina ny mpandeha isan-kariva iadiana amin’ireo mpangarom-paosy sy mpanao sinto-mahery

. Ho an’ny eny amin’ny kaominina Andoharanofotsy manokana ohatra dia velon-taraina mafy ireo mponina noho ny firongatry ny tsy fandriampahalemana. Vao amin’ny 05 ora sy sasany hariva mantsy dia efa misy mpanendaka mihaodihaody any amin’ny tobim-piantsonana ka saika lasibatra avokoa ireo mpianatra madinika sy ny mpiasa. Toraka izany koa ireo mpaka entana sy mpiantsena handeha hamonjy ny tokantranony. Tsy tobim-piantsonana tokana moa no hitrangan’izany fa tobim-piantsonana maromaro mihitsy. Ho an’ny maraina indray dia fantatra fa amin’ny 4 ora ka hatramin’ny 05 ora sy sasany eo ho eo no tena fanaovan’ireo mpanao ratsy ny asa ratsy. Mijaly ny mponina araka izany koa manantena ny fandraisan’andraikitry ny tompon’andraikitra.

Pati