Fandriampahalemana

Jiolahy mpanafika eto an-drenivohitra Mampiasa basy mahery vaika sy ody gasy

Fandriampahalemana
Zoma 08 Martsa 2019

Jiolahy miisa enina niaraka tamina fitaovam-piadiana mahery vaika toy ny basy poleta efatra, antsy maranitra, ody gasy no saron’ny mpitandro ny filaminana eo anivon’ny sampandraharaha misahana ny ady

heloka be vava etsy Anosy nanomboka ny 28 febroary ka hatramin’ny 1 martsa lasa teo, namaky tranon’olona teto an-drenivohitra. Raha araka ny fanazavan’ny kaomisera Serali dia nanomboka tamin’ny volana desambra taona 2018 lasa teo izy ireo no nanao ny asa ratsiny hatramin’ny volana janoary taona 2019. Tokantrano maromaro no nahita faisana toy ilay teny Ankorondrano izay nahaverezana vola 100 tapitrisa Ar, ny tao Antohomadinika nahaverezana vola 26 tapitrisa Ar. Mpitandro ny filaminana efa tsy miasa intsony ny iray amin’izy ireo, ahiahiana ho nanome basy ireto namany dimy hafa. Natolotra ny fitsarana omaly ihany izy enina mirahalahy ireto.

Pati