Fandriampahalemana

Jeneraly Richard Ravalomanana « Aoka tsy hakiviana ny mpitandro filaminana »

Fandriampahalemana
Alarobia 26 Aogositra 2020

Tonga namangy ireo zandary roalahy voatifitry ny dahalo tany Ampanihy Miandrivazo ny fianakaviamben'ny Zandarimaria izay notarihin'ny Jeneraly Sekreteram-panjakana miadidy ny zandarimaria (SEG) sy ny Jeneraly Komandin'ny zandarimariam-pirenena, teny amin'ny Hopitaly miaramila Soavinandriana, omaly maraina.

Nankahery sy nanome « primes de bravoure » na mari-pahamendrehana sy ranom-boakazo ary nanambara ny fanomezana "bonification d'ancienneté en port de grade" sy "choix de poste d'affectation" ny SEG, Richard Ravalomanana, sy ireo tompon’andraikitra ambony eo anivon'ny Zandarimaria niaraka taminy. Tamin’ny alalan’ny angidimby moa, raha ny fanazavana, no nanavotana ny ain'ireo zandary naratra avy any Ampanihy. Ny Hopitaly miaramila kosa no mandray an-tanana tanteraka ny fitsaboana ireto zandary ireto. "Aoka tsy ho hakiviana ny mpitandro filaminana amin'ny asa sahaniny. Efa tsy fidiny ny mamono ireo olon-dratsy fa tsy maintsy miaro tena ireo mpitandro filaminana, hoy hatrany ny SEG.

J. Mirija