Fandriampahalemana

Fitifirana sergent-major Lavon’ny balan’ny zandary i Badista

Fandriampahalemana
Alarobia 20 Aprily 2022

Dahalo ikoizana sady mpamerin-keloka antsoina hoe : Badiste ,32 taona tompon'antoka tamin'ny fitifirana nahafaty an'i Sergent-major Randrianaivomanana René Victor tamin'ny 10 marsa lasa teo tao Ambohimpihaonana

Ambohidratrimo no saron’ny mpitandro ny filaminana.Ny kaompania Imerina afovoany no nahatratra azy io tamin’ny Alahady lasa teo tany amin’ny kaominina ambanivohitra Sadabe, distrikan’i Manjakandriana. Nosakanan'ireo dahalo namany ireo zandary nitondra azy ka, raikitra ny fifampitifirana. Nanararaotra nandositra izy nandritra izany saingy lavo rehefa voan'ny balan'ny zandary. Ramatoa iray mpamatsy bala azy kosa no efa naiditra am-ponja.Nisy namany 2 lahy, niatrika fampanoavana ihany koa omaly.Marihina moa fa basy iray sy vodim-bala (calibre 12) iray no hita teo amin'ilay toerana nifanandrinan’ny roa tonta.
Nangonin’i Pati