Fandriampahalemana

Finafihana mitam-basy Voasambotra ilay jiolahy mpamerin-keloka

Fandriampahalemana
Talata 11 Septambra 2018

Nifamaliana ny tifi-basy tao amin’ny zanabohitra Tanambao Fokontany Ambohimasina, Kaominina ambonivohitra Ambatondrazaka omaly.

Nikoropaka ny mponina. Fisamborana jiolahy raindahiny amin’ny fanafihana mitam-basy ao an-drenivohitry ny Faritra Alaotra Mangoro sy ireo kaominina manodidina no antony. Tsy nanaiky nilavo lefona mora foana ilay jiolahy na dia efa notemerin’ny mpitandro ny filaminana aza ny faritra nisy azy. Voasambotra ihany moa izy rehefa tapi-dalan-kaleha. Jiolahy mpamerin-keloka ity voasambotra ity. Tsy maharitra ela any am-ponja izy dia votsotra na dia tratra ambodiomby aza, araka ny fanamarihan’ny mponina. Hanao ahoana indray ny amin’ity in-dray mitoraka ity ?

Jean D.