Fandriampahalemana

Filatsahana an’elon’aina Hanofana ny tafika ny orinasa Skydive

Fandriampahalemana
Alakamisy 08 Oktobra 2020

Hisy ny fiaraha-miasa eo amin'ny Minisiteran'ny Fiarovam-pirenena sy ny orinasa Skydive, tarihin'Andriamatoa Laurent Lesquereux, mpampiofana amin'ny filatsahana an'elon'aina izay nizara ny traik'efa ananany teny amin'ny 1er RFI farany teo.

Izy ireo no hampiofana ny miaramila hilatsaka an'elon'aina mba hanamora ny fanatanterahana ny iraka any amin'ny toerana saro-dalana, hoy ny eo anivon’ny Ministeran’ny Fiarovam-pirenena, tarihin’ny Minisitra Jeneraly Rakotonirina Léon Richard, izay nandray an’i Laurent Lesquereux. Anisan'ny laharam-pahamehana amin'izao fanavaozan-drafitra ny tafika izao ny fampiakarana ny lentan' ireo miaramila hanatsarana ny asany, ka izay indrindra no anton’ny fiaraha-miasa, hoy ny eo anivon’ny tafika.

Toky R