Fandriampahalemana

Fifanjevoana tao Toamasina Jiolahy 3 maty, polisy 3 voatifitra

Fandriampahalemana
Talata 15 Desambra 2020

Jiolahy telo saika hanafika Cash Point tao amin’ny Cité Haras Toamasina no maty voatifitra omaly.

Saika hanafika izy ireo, saingy nisy nahatsikaritra ka nampandre ny polisy omaly maraina. Tonga ireto farany, hany ka namely sy nitifitra ireo olon-dratsy. Voatifitra teny an-toerana ny iray, ary tafatsoaka ny roa. Tratra tany amin’ny Relax Andranomadio anefa izy ireo ny tolakandro, ka raikitra indray ny fifanjevoana, nirefodrefotra ny basy ka maty tsy tra-drano ireo olon-dratsy. Polisy 3 ihany koa no voatifitra sy naratra. Voa teo amin’ny feny ny iray saingy soa fa tsy nahazo taolana, teo amin’ny tratrany ny polisy roa, saingy nisy ny fiarovana “gilet par balle”, ka tsy dia voa mafy. Samy manaraka fitsaboana avokoa. Azon’ny polisy avokoa ny basy miisa 3 tany amin’ireo olon-dratsy, izay tena mahery vaika.

Toky R