Fandriampahalemana

Fatin’olona nisy dia-nify Mihorohoro ny eny Ivato

Fandriampahalemana
Alatsinainy 12 Jona 2017

Lehilahy iray hita faty teny Ivato ny alin’ny zoma ary rehefa nozahana ny razana dia nisy loaka toy ny diam-bangy roa izany teo amin’ny tendany.

Teo amin’ny manodidina ny nahitana ity razana ity dia nahitana diam-biby hafahafa, ka ambaran’ny olona ho misy izany bibiolona izany eny an-toerana. Raha ny fitantaran’ny mponina dia efa matetika no ahitana toe-javatra hafahafa tahaka izao. Tsy fantatra mazava izay tena zava-misy marina ary mampametra-panontaniana hoe inona no antony hisehoan’ny toe-javatra tahaka izao ? Vao manomboka milentika ny masoandro dia efa matahotra ny ankamaroan’ny vahoaka noho ity toe-javatra hafahafa izay mbola sarotra hazavaina ity. Misy ihany ny resaka avoakan’ny olona fa misy hifandraisany amina toerana malaza sy mpandraharaha fanta-daza ilay resaka biby ity, saingy petra-kevitra ihany ny an’ny rehetra ary tsy misy afaka ny handiso na hanamarina ny zava-misy ny rehetra.

Toky R