Fandriampahalemana

Fatina karàna teny Mangasoavina Nosamborina i Mainty

Fandriampahalemana
Alatsinainy 03 Jolay 2017

Voarohirohy ho anisan’ireo nikononkonona ny fakana an-keriny teratany karàna iray izay hita faty teny Mangasoavina Besarety, andro vitsivitsy lasa izay, i Tovoleka Be Jean na i Mainty.

Tany Mahajanga no nahatrarana azy ny faran’ny herinandro teo rehefa nokarohina nandritry ny 6 taona. Basy vita gasy 1 sy bala miisa 56 no fitaovana hita tao amin’ny toerana niereny ary rehefa natao ny fanadihadiana dia fantatra fa tao ihany koa ireo fitaovam-piadiana niasa tamin’ny famonoana ilay teratany karàna. Dosie miisa 11 no mahavoasaringotra an’i Mainty ary mbola karohina fatratra ihany koa moa ny namany 3 lahy izay voalaza ho nanampy azy tamin’iny vono olona tetsy Mangasoavina iny, raha ny fanazavana avy eo anivon’ny borigady misahana ny heloka bevava etsy Anosy.

Mirija