Fandriampahalemana

Faritra Ihorombe Olana hatrany ny tsy fandriampahalemana

Fandriampahalemana
Alatsinainy 04 Febroary 2019

Manakoako ny tsy fandriampahalemana any Betroka noho ny afitsoky ny malaso. Tsy tokony hiandry ela intsony ny filoham-pirenena satria fantany ny toe-java-misy any, hoy ny Lehiben’ny faritra Ihorombe, Mosa Fernand.

Ankoatra izay, mila mijery ny tanora satria maro an’isa izy ireo any amin’ny faritra, eny eto amin’ny firenena mihitsy. Mila mandry fahalemana ihany koa i Ihorombe satria saika mandalo any avokoa ny avy any Atsimo andrefana, ny avy any Anosy, hatrany amin’ny faritra Atsimo Atsinanana noho izy malalaka. Nanambara ihany koa ity lehiben’ny faritra ity fa miaraka ny fampandrosoana fa tsy vitan’olon-drery ary miainga hatrany amin’ny kaominina sy ny faritra izany. Tsy maintsy miainga amin’izany ny vina IEM. Mila fehezina sy hain’ny Malagasy io vina io ahafahana manara-maso. Nanamafy ihany koa izy ny amin’ny olana amin’ny fibaikoana izay lavitra loatra ny ankamaroan’ny any amin’ny faritra tahaka ny any Betroka ka tokony hisy hatrany ny rantsa-mangaikan’ny zandarimariam-pirenena. Tombony be ara-toekarenaa any amin’ny faritra Ihorombe ny fambolena, ny harena ankibon’ny tany ary ny fizahantany saingy zava-poana sy tsy mitondra inona rehefa tsy milamina ny tany.

Tsirinasolo