Fandriampahalemana

Fanendahana Telolahy indray no nalefa eny Antanimora

Fandriampahalemana
Alarobia 14 Oktobra 2020

Lehilahy miisa telo no voasambotry ny polisy miasa ao amin’ny kaomisarian’ Isotry ny 11 oktobra teo teny akaikin’ny tetezan-dRamala .

Hetsika nataon’ny polisy avy ao amin’ny boriborintany faha-efatra no nahatrarana azy ireo noho ny hamaroan’ny fitarainan’ny mponina amin’ny resaka fanendahana eny amin’iny faritra iny. Polisy nanao fanamiana sivily no nidina ifotony teny an-toerana izay nahita azy telolahy ireto teo am-panatanterahana ny asa ratsiny. Nentina namonjy ny birao avy hatrany ireo jiolahy ireo nanaovana fanadihadiana raha omaly kosa no niakatra fitsarana. Fantatra taorian’izany fa nampidirina eny Antanimora vonjimaika izy ireo ho famaizana azy.

Pati