Fandriampahalemana

Fanafihana “Cash Point” Jiolahy 3 maty nodarohan’ny fokonolona

Fandriampahalemana
Alakamisy 04 Aprily 2019

Omaly alarobia tokony ho tamin'ny 5ora tolakandro teo dia mpanao "cash point" na ireny mpandefa sy fakana vola amin'ny finday ireny iray ao Port-bergé raha iny hody avy nirava avy niasa no nandrasan'ny jiolahy tamin'ny basy sy antsy teo am-baravaran'ny tranony.

Lasa tamin'izany ny kitapo misy vola sy fitaovana fampiasany. Naratra mafy ity farany ka tsy maintsy nalefa notsaboina any Antsohihy, raha ny fampitam-baovao. Rehefa nanara-dia ny fokonolona dia 4 hafa no voatifitry ny jiolahy ka naratra. 3 tamin'ireo jiolahy kosa no tratra raha nifanenjehana tany anaty ala ka niharan'ny fahatezeram-bahoaka. Nalefa nanoloana ny kaominina ny fatin'izy ireo 3 nodorana fa ny iray hafa namany kosa tafatsoaka. Efa azo ihany koa ny kitapo izay noheverin'izy ireo ho valin-kasasarany. Tsy nitsitsy ireo olona ka ny ain'ireo jiolahy no nanefa. Nihevitra ny harovan'ny fitaovam-piadiana kinanjo tratry ny be no ho vitsy.Miha mahazo vahana hatrany ny fitsaram-bahoaka.

Nangonin 'i Toky R