Fandriampahalemana

Fampihorohoroana eny Andavamamba Tratra ihany i Zily ny farany

Fandriampahalemana
Alarobia 28 Oktobra 2020

Anisan’ireo jiolahy malaza ratsy sady atahoran’ny olona eny Andavamamba, lalana miditra mankany amin’ny sekoly ambony UPRIM i Zily. Sady mpanendaka mantsy izy no mpangalatra ary manao herisetra mihitsy mandritra izany ka efa nandrasan’ny mpitandro ny filaminana hatramin’ny ela.

Ny 23 oktobra teo tokony ho tamin’ny 04 ora sy sasany dia nidina ifotony nisambotra azy ny Polisy avy ao amin’ny PPA1 Ampefiloha niarahana tamin’ny Polisy avy ao amin’ny UIR . Raha araka ny fantatra dia tonga hatrany Ambalavao, Ampefiloha, Manaritsoa ary Andavamamba ny lazan’ity olon-dratsy ity izay marihana fa efa mpamerin-keloka. Efa nahiditra amponja vonjimaika eny Antanimora ity farany ho famaizana azy.

Pati