Fandriampahalemana

Famakiana boulangerie Lehilahy iray no tratra teny Itaosy

Fandriampahalemana
Sabotsy 02 Mey 2020

Lehilahy iray no voasambotry ny polisim-pirenena avy ao amin'ny CSP Itaosy ny alarobia 29 aprily teo teny amin'ny faritra Beravina Itaosy raha saika hamaky "Boulangerie" iray teny an-toerana.

Tokony ho tamin'ny 01 ora maraina no naharay antso avy amin'ny tompon-trano ny polisy mikasika ny fisiana lehilahy mananika ny tambohon’izy ireo ary efa eo am-pamakiana ilay "Boulangerie" mihitsy. Manoloana izany dia tonga teny an-toerana faingana ny Polisy ka raha vao nahita ny mpitandro ny filaminana ity farany dia nirifatra nandositra nisaoty ilay tamboho . Voatery nanapoaka basy ny polisy tamin'ny fanenjehana azy. Tafatsaoka moa ity farany saingy nahita ra ny polisy nandritra izany fifanenjehana izany ary iny ra iny indray no narahina ka tra-tehaka tao an-tranony ilay lehilahy. Voaringotry ny vy tamin'izy nisaoty ilay tamboho moa ny sandrin’ity lehilahy ity ka izay no nahavoa azy.

Pati